Ապրել 2-րդ տիպի շաքարային դիաբետով․ Ինչպե՞ս փոխել կենսակերպը և պահպանել առողջությունը

Իրական պատմություն․ Գագիկի վերադարձը լիարժեք կյանքին

Գագիկը (անունը փոխված է), որը ապրում է Լոռու մարզի Դսեղ գյուղում, 2-րդ տիպի դիաբետով ախտորոշվել է 55 տարեկանում։ Նրա պատմությունը բնորոշ է շատ հայ տղամարդկանց համար․ ավելորդ քաշ, քիչ շարժունակություն և ախտանիշների անտեսում։

«Երբ իմացա, որ շաքարս բարձր է, սկզբում խուճապի մատնվեցի, կարծում էի՝ այլևս չեմ կարողանա ապրել այնպես, ինչպես առաջ»

Գագիկը Դսեղում իրականացվող առաջնային օղակի պիլոտային ծրագրի առաջին շահառուներից մեկն է։ Անվճար հետազոտությունների և բժշկի հետ կանոնավոր աշխատանքի շնորհիվ՝ նա սովորեց կառավարել իր սննդակարգը և ամենօրյա քայլքը դարձրեց պարտադիր։ Մեկ տարվա ընթացքում Գագիկը նվազեցրեց քաշը 10 կիլոգրամով, իսկ նրա HbA1c ցուցանիշը 9%-ից իջավ մինչև 6.5%։